Kaba Minang Kabau News
PADANG — Gubernur Sumatera Barat, Mahyeldi Ansharullah, manarimo kunjungan Ketua DPC Persatuan Advokat Indonesia (Peradi) Padang, Miko Kamal, basamo jajaran pengurus, di Istana Gubernur Sumbar, Jumat (16/1/2025).
Audiensi ko mambehas rencana bantuan Peradi dalam upayo rehabilitasi sabagian fasilitas umum nan rusak akibat bencana alam di sabagian wilayah Ranah Minang.
Dalam pertemuan tu, Gubernur Mahyeldi manyampaian apresiasi ateh kepedulian jo kontribusi Peradi ka masyarakat Sumatera Barat. Menurutnyo, bantuan nan direncanakan tu sangek mambantu pamarentah daerah dalam mampacapek proses pamulihan infrastruktur pascabencana.
“Hari ko kami manarimo Ketua jo Pengurus Peradi. Alhamdulillah, dari hasil pembicaraan, Peradi basedia mambantu rehabilitasi fasilitas umum nan rusak akibat bencana di Sumatera Barat,” kato Mahyeldi.
Mahyeldi juo manyampaian ucapan tarimo kasih ka Ketua Dewan Pimpinan Nasional Peradi jo saluruh jajaran di tingkat pusat maupun daerah. Ia manyakini, bantuan nan disalurkan tu akan mamberikan manfaat besar untuak masyarakat, tarutamo di daerah-daerah nan paling parah tadampak bencana.
“Atas namo Pamarentah Provinsi jo masyarakat Sumatera Barat, kami mangucapkan tarimo kasih ka Bapak Dr. Otto Hasibuan selaku Ketua DPN Peradi jo saluruah jajaran nan alah mambantu pamulihan infrastruktur tadampak bencana di Ranah Minang,” ucapnyo.
Samantaro tu, Ketua DPC Peradi Padang, Miko Kamal, manjalehan bahwa Peradi Indonesia secara nasional alah berhasil mangumpuakan dana donasi sakitar Rp7 miliar. Dana tu rencanonyo dibagi secara rata ka tigo provinsi di Sumatera, yakninyo Aceh, Sumatera Utara, jo Sumatera Barat.
“Dana ko dibagi untuak tigo provinsi di Sumatera, jo rencanonyo dibagi samo ratonyo,” jelas Miko.
Menurut Miko, alokasi bantuan untuak Sumatera Barat diparkirokan mancapi sakitar Rp2,3 miliar. Dana bantuan tu akan difokuskan untuak rehabilitasi tigo infrastruktur utamo nan sangaik dibutuhkan masyarakat, yakninyo rumah ibadah, sakolah, jo jambatan.
Miko manyabuikkan, untuak mamastikan penyaluran bantuan tepat sasaran, pihaknyo basamo jajaran pengurus datang manghadap Gubernur Sumatera Barat untuak mamintak data konkret tantang fasilitas umum nan tadampak bencana jo mambutuhkan penanganan sacapek mungkin.
“Alhamdulillah, Pak Gubernur mandukuang panuah rencana ko jo basedia mambantu manyiapkan data dalam waktu dakek,” ungkap Miko.
Ia juo manambahkan bahwa salah satu syarat utama dalam proses pendistribusian bantuan Peradi adalah ado surat permohonan resmi dari kapalo daerah. Syarat tu, manurutnyo, alah disampaian ka Gubernur Sumatera Barat jo disambut jo respon positif.
“Saat ko, Peradi tingga manunggu data konkret jo surat permohonan resmi dari Gubernur, karano itu jadi salah satu syarat dalam proses pendistribusian bantuan,” tutuik Miko.
Audiensi tu juo dihadiri Kepala Biro Administrasi Pimpinan Setdaprov Sumbar, Nolly Eka Mardianto; Sekretaris Peradi, Mevrizal; serta Kepala Bidang Sosial, Olahraga, jo Agamo Peradi, Usman Jambak.
(KMN)
