Kaba Minang Kabau News
JAKARTA — Namo Oesman Sapta Odang, nan labiah dikenal jo inisial OSO, lah jadi salah satu tokoh nasional nan punyo peran penting di bidang politik, bisnis, jo organisasi kemasyarakatan. Mantan Ketua Dewan Perwakilan Daerah (DPD) RI ko juo dikenal sabagai sosok nan tetap mamagang taguah akar budayo Minangkabau nan diturunkan dari ibunyo.
Oesman Sapta Odang lahia pado 18 Agustus 1950. Ia barasal dari latar balakang keluargo nan baragam. Ayahnyo, Odang, barasal dari Palopo, Sulawesi Selatan, sadangkan ibunyo, Asnah Hamid, adalah urang asli Sulit Air, Kabupaten Solok, Sumatera Barat. Perpaduan latar balakang ko mambuek karakter OSO sabagai urang perantau sejati nan ulet jo pandai manyesuaikan diri.
Kacintaan OSO ka tanah asal ibunyo tampak jelas dalam tindakan nyata. Salah satunyo adalah komitmen mambangun baliak Rumah Gadang di Sulit Air. Rumah Gadang ko indak sajo difungsikan sabagai objek wisata, tapi juo sabagai pusat informasi jo simbol pelestarian budayo Minangkabau di tangah arus modernisasi.
Di dunia usaha, OSO dikenal sabagai pendiri jo pimpinan OSO Group. Kelompok usaha ko bagarak di barbagai sektor strategis, mulai dari pertambangan, properti, transportasi, sampai perhotelan. Perjalanan bisnisnyo dimulai dari bawah, hinggo kini manjadi salah satu konglomerasi basar di Indonesia.
Pado tahun 2016, majalah Globe Asia mamasuakkan namo Oesman Sapta Odang dalam daptar 150 urang terkayo di Indonesia, jo perkiraan kakekayaan sakitar USD 350 juta. Selain mangelo usaha sendiri, OSO juo diparcayo manduduki jabatan strategis di perusahaan lain, salah satunyo sabagai Komisaris di maskapai Lion Air.
Karier politik OSO cukup panjang jo dinamis. Ia parnah manjadi Wakil Ketua Majelis Permusyawaratan Rakyat (MPR) RI pado periode 1999–2004 jo baliak pado periode 2014–2019. Pado tahun 2017, OSO tapiliah sacaro aklamasi sabagai Ketua DPD RI, nan manjadianyo salah satu figur penting dalam lembaga perwakilan daerah.
Di ranah kepartaian, kini Oesman Sapta Odang manjadi Ketua Umum Partai Hati Nurani Rakyat (Hanura). Aktivitas politiknyo juo dibarengi jo keterlibatan aktif dalam barbagai organisasi kemasyarakatan jo ekonomi.
Sabagai urang Minangkabau, OSO diparcayo sabagai Ketua Umum Gerakan Ekonomi jo Budayo Minangkabau (Gebu Minang), organisasi payuang bagi urang Minang perantauan di barbagai daerah, bahkan sampai ka lua nagari. Selain itu, ia juo mamimpin Persatuan Tarbiyah Islamiyah (PERTI) jo Himpunan
Kerukunan Tani Indonesia (HKTI), nan manunjukkan komitmennyo ka bidang keagamaan jo pertanian.
Oesman Sapta Odang juo dikenal sabagai sosok nan terbuka jo perjalanan hidupnyo. Ia parnah manyampaikan bahaso dirinyo manyelesaikan pendidikan formal malalui jalur nonformal Paket C. Meskipun demikian, OSO juo mandapek gelar Doktor Honoris Causa dari barbagai lembaga pendidikan di lua nagari atas kontribusinyo di bidang sosial, ekonomi, jo kapamimpinan.
Sampai kini, Oesman Sapta Odang masih manjadi tokoh nan diperhitungkan dalam dinamika nasional, baik sabagai pangusaha, politisi, maupun tokoh organisasi, jo citra sabagai pribadi nan taguah jo indak malupo jati diri budayo.
Sumber: Wikipedia Bahasa Indonesia – Profil Oesman Sapta Odang
(KMKN)
