JAKARTA — Fadli Zon, urang awak asal Minangkabau, kini mancancang amanah sabagai Menteri Kabudayaan Republik Indonesia sejak 21 Oktober 2024. Politisi Partai Gerindra ko diamanahi langsuang dek Presiden Prabowo Subianto masuak ka dalam Kabinet Merah Putiah, manguruih urusan kabudayaan nasional.
Fadli Zon lahia di Jakarta, 1 Juni 1971. Inyo marupokan anak paliang tuo dari pasangan Zon Harjo jo Ellyda Yatim, urang Minangkabau nan barasa dari Payakumbuah, Sumatera Barat. Dalam adat Minang, Fadli Zon manyandang gala Datuak Bijo Dirajo Nan Kuniang, gala panghulu nan mamaknai tangguang jawab adat jo sosial di nagari.
Karier Fadli Zon dimulai dari dunia aktivisme kampuih. Inyo tacataik pernah sabagai Mahasiswa Barprestasi (Mawapres) I Universitas Indonesia tahun 1994, aktif mamimpin barbagai gerakan mahasiswa awal tahun 1990-an, jo taruih talibek dalam forum nasional jo internasional.
Pandidikan tinggi inyo ditampuah di Universitas Indonesia jo London School of Economics and Political Science (LSE), Inggris. Pado tahun 2016, inyo maraih gala Doktor Ilmu Sejarah UI jo disertasi tantang pimikiran ekonomi karakyatan Mohammad Hatta.
Di dunia politik, nama Fadli Zon lah lama dikenal. Inyo basamo Prabowo Subianto mandirikan Partai Gerindra pado tahun 2008 jo kini masih manjadi Wakil Ketua Umum. Inyo parnah manjadi Wakil Ketua DPR RI periode 2014–2019, jo Anggota DPR RI duo periode (2014–2024) dari daerah pamilihan Jawa Barat V.
Di tingkat dunia, Fadli Zon parnah pulo manjabat Presiden Global Organization of Parliamentarians Against Corruption (GOPAC) periode 2015–2019. Inyo juo aktif mamimpin diplomasi parlemen internasional, manyuarokan isu antikorupsi, perdamaian, jo pambuatan hubungan antarparlemen Asia Pasifik, termasuk dukungan ka Palestina.
Sabagai Menteri Kabudayaan, Fadli Zon manginisiasi program panulisan ulang sejarah resmi Indonesia nan dirancanokan tabit pado 17 Agustus 2025, bartepatan jo 80 tahun Kamardekaan RI. Proyek ko malibatkan ratusan sajarawan dari barbagai daerah, walau juo manimbulkan diskusi jo kritik di ruang publik.
Salain aktif di politik, Fadli Zon juo dikenal sabagai panulis, sajarawan, jo panggiat budaya. Inyo mandirikan Fadli Zon Library, rumah budaya di Sumatera Barat, jo lah manulis puluhan buku tantang sejarah, politik, sastra, jo kabudayaan.
Sabagai urang Minang, langkah Fadli Zon di panggung nasional mancaraminkan falsafah “adat basandi syarak, syarak basandi Kitabullah”.
Kini, amanah kabudayaan nasional ado di tangan inyo, tangguang jawab nan gadang, tantangan nan barat, jo pandangan publik nan taruih mamatau.
Sumber Wikipedia
(KM)
