KABA MINANGKABAU | PADANG
Musyawarah Kecamatan (Muscam) Partai Golkar Kecamatan Bunguih Teluak Kabuang, Kota Padang, bajalan lancar jo panuah sumangaik konsolidasi jo panguatan organisasi, Senin (20/7/2026). Dalam agenda ko, Atril Badli tapiliah sacaro aklamasi jadi Ketua Pimpinan Kecamatan (PK) Partai Golkar Bunguih Teluak Kabuang.
Acara Muscam dihadiri dek Sakretaris DPD Partai Golkar Sumatera Barat, Helmi Moesim, Ketua DPD Partai Golkar Kota Padang baserta jajaran, para Ketua PK Golkar sa-Kota Padang, Ketua KAN Bunguih, Camat Bunguih Teluak Kabuang, Danramil, sarato unsur Forkopimcam lainnya.
Tapiliahnyo Atril Badli sacaro aklamasi dinilai jadi gambaran kokohnya soliditas kader Golkar di kecamatan nan tampak di wilayah pasisia Kota Padang ko. Salain jadi pangusaha, Atril juo aktif dalam organisasi tani jo kamasyarakatan. Kini, inyo manjabat sabagai Ketua DPD Tani Merdeka Kota Padang jo Sakretaris KTNA Bunguih Teluak Kabuang.
Dalam Muscam, para peserta manyampaikan pentingnyo mambangun mesin partai sampai ka tingkek paling bawah, sabagai langkah strategis manghadapi agenda politik ka depan.
Sakretaris DPD Golkar Sumbar, Helmi Moesim, manyabuik Muscam bukan sajo agenda mamiliah pangurus, tapi juo momentum untuak marapatkan barisan jo mamastikan struktur partai tatap solid.
“Golkar harus hadir di tangah masyarakat. Konsolidasi organisasi jadi kunci agar partai makin kuat jo mampu manjawab tantangan politik ka depan,” ujarnya.
Samentaro itu, Atril Badli manyampaikan komitmennyo untuak manjadikan Golkar Bunguih Teluak Kabuang sabagai rumah gadang politik nan dekat jo masyarakat.
“Kami akan memperkuat komunikasi antarkader, manjago kekompakan, serta mambuek Golkar labiah dirasokan manfaatnyo dek masyarakat Bunguih Teluak Kabuang,” kata Atril.
Muscam nan baralan jo suasano musyawarah jo mufakat ko diharapkan jadi langkah awal bagi panguatan struktur Partai Golkar di Kecamatan Bunguih Teluak Kabung, sakaligus mampertegas kesiapan partai dalam manghadapi berbagai agenda politik jo pembangunan daerah di masa nan ka datang.
(Kaba Minangkabau News)
